Hytaýyň Türkmenistandaky ilçihanasy ýurdumyzyň raýatlary üçin wiza ýygymlarynyň möçberiniň wagtlaýyn arzanladylmagynyň möhletiniň uzaldylandygyny yglan etdi. Şeýle ýeňillikler 2026-njy ýylyň 31-nji dekabryna çenli hereket eder.
Arzanladylan wiza tölegleriniň möçberi:
Bir gezeklik wiza — 41 ABŞ dollary;
Iki gezeklik wiza — 56 ABŞ dollary;
Alty aýlyk köp gezeklik wiza — 206 ABŞ dollary;
Bir ýyllyk köp gezeklik wiza — 386 ABŞ dollary.
Şeýle arzanladyşlaryň wiza amallaryny ýönekeýleşdirmäge hem-de iki ýurduň arasyndaky ynsanperwer we işewürlik gatnaşyklaryny ösdürmäge gönükdirilendigine ünsi çekmek gerek.
Goşmaça sowallar boýunça +993 (12) 48-81-05 telefon belgisine jaň edip ýa-da ashgabat@csm.mfa.gov.cn elektron poçtasy boýunça ýüz tutup bilersiňiz.
