Türkmenistanyň ýaşlar ýygyndysynyň (U-17) 2026-njy ýylda geçiriljek Aziýanyň Kubogyna gatnaşmak üçin saýlama tapgyrdaky garşydaşlary belli boldy. «F» toparçada milli ýygyndymyzyň garşysyna Tailandyň, Kuweýtiň, Mongoliýanyň we Maldiwleriň ýygyndylary çykar.
Toparçanyň oýunlary 2025-nji ýylyň 22—30-njy noýabry aralygynda Tailandyň Çonburi şäherinde geçiriler.
Saýlama tapgyra jemi 38 ýygyndy gatnaşyp, olar 7 toparça bölüner. Her toparçanyň ýeňijileri final tapgyryna göni gatnaşmak hukugyna eýe bolar.
Ýeri gelende bellesek, ýaşlaryň arasyndaky Aziýa Kubogynyň final tapgyry 2026-njy ýylyň maý aýynda Saud Arabystanynda geçiriler. Bu ýaryşa yklymyň iň güýçli 16 ýygyndysy gatnaşar.
