Türkmenistanyň Ylymlar akademiýasynyň Himiýa instituty tarapyndan hödürlenen düzüminde kaliý, azot, ammiak selitrasy we beýleki goşundylar bolan KAS-28, -30 we -32 ýyladyşhana hojalyklary üçin ähliumumy suwuk dökün almak boýunça geljegi uly işläp taýýarlama durmuşa geçirilmäge diýseň ýakyn.
Täze önüm parnik gök önümlerini, sitrus ekinlerini we banan ösdürip ýetişdirmek bilen meşgullanýan içerki bazaryň wekilleriniň ünsüni özüne çekýär. Goňşy ýurtlar hem dökünleri «çäksiz möçberde» satyn almaga taýýardyr. Institut laboratoriýa gözegçiligi astynda ylmy esaslara daýanmak arkaly oba hojalygynda ýokary hilli önüm öndürmek üçin peýdaly boljak önümçilige işjeň gatnaşmagy meýilleşdirýär.
Garyndynyň düzüminde parnik ösümlikleriniň boý almagy we ösmegi üçin zerur bolan ähli maddalar, şol sanda witaminler, minerallar hem-de mikroelementler, ösümlikleriň kesellerinden we zyýankeşlerden goramak üçin komponentler bar. Görkezmelere görä, suwuk dökün aýry-aýry oba hojalyk ekinleriniň we önümçiligiň zerurlyklary üçin zerur şertlerde suwuklandyrylmaly, soňra damjalaýyn suwaryş ulgamy arkaly ösümlikleriň kök ulgamyna geçmeli, şol bir wagtyň özünde bolsa suwaryş bilen dökün berilmeli.
Garyndy daşky gurşaw, toprak örtügi we ösdürilip ýetişdirilen gök önümler babatda ekologiýa taýdan arassa. Elbetde, gök önüm öndürijiler, miweleri we gök-bakja ýetişdirijiler hasyllylygyň kepilligini ret etmeýärler.
