Beýik Britaniýanyň abraýly «Chevening» talyp haky maksatnamasynyň Türkmenistandan bolan uçurymlary «Voices of the Silk Road: Central Asian Alumni & Mentorship Hub» («Ýüpek ýolunyň sesleri: Merkezi Aziýa uçurymlary we mentorlyk merkezi») atly giň gerimli sebit taslamasyna başladylar. Taslama maksatnamanyň gaznasy — «Chevening Alumni Programme Fund» (CAPF) tarapyndan berilýän maliýe goldawy arkaly amala aşyrylýar. Türkmenistan bu taslamada Gazagystan, Gyrgyzystan, Täjigistan we Özbegistan bilen birlikde esasy öňdebaryjy ýurt bolup çykyş edýär.
Bu başlangyjyň binýadyny «Chevening Connect Silk Road» (CCSR) platformasy — Merkezi Aziýanyň we Ýüpek ýoly sebitiniň uçurumlaryny hem-de ýaş liderlerini birleşdirýän döwrebap mentorlyk we hünär merkezi (hab) düzýär. Toruň esasy maksady Ýüpek ýolunyň medeni we ykdysady köpri hökmündäki taryhy ornundan ylham alyp, bilim bermekden, mentorlygy (ýol görkezijiligi) ösdürmekden we özara gatnaşyklary berkitmekden ybaratdyr.
Maksatnama 2026-njy ýylyň sentýabryndan 2027-nji ýyla çenli uzaýan döwri öz içine alýar. Onuň çäklerinde 30-dan gowrak bilermen webinarlaryny geçirmek, bitewi sanly resurs kitaphanasyny döretmek, şeýle hem 2026-njy ýylyň dekabrynda Sebitleýin «Chevening Impact» maslahatyny guramak meýilleşdirilýär.
Bu merkeziň işe girizilmegi «Chevening» talyp hakyny almak üçin arzalary kabul etmegiň işjeň döwrüne gabat geldi (arzalary kabul etmek 6-njy oktýabra çenli dowam eder). Täze platforma dalaşgärler üçin uçurymlaryň jemgyýetçiligi bilen göni aragatnaşyk saklamaga we Britaniýanyň ýokary okuw mekdeplerine okuwa girmek boýunça maslahatlary almaga mümkinçilik berýän amaly gural bolar.
Ilkinji panel ara alyp maslahatlaşmasy eýýäm şu gün — 5-nji sentýabrda geçiriler!
Hasaba durmak üçin: https://forms.gle/yWKbvv7m5eLQZmai6
Öňde boljak webinarlar, mentorlyk maksatnamalary we hemmeler üçin açyk bolan çäreler barada habardar bolmak üçin CCSR-e agza boluň.
Instagram: @cheveningconnectsilkroad
LinkedIn: Chevening Connect Silk Road
