Daşkent şäherinde (Özbegistan) geçirilen sambo boýunça 50-nji ýubileý dünýä çempionatynda türkmen türgeni Sanjarbek Awazberdiýew altyn medal gazandy. Ol 64 kg çenli agram derejesinde söweş sambosy boýunça dünýäniň iň güýçli türgeni diýlip ykrar edildi.
Türkmen samboçysy tutluşyklary doly elinde saklap, bäş duşuşykdan ybarat ýaryş ýoluny şowly geçdi we bütin çempionatyň dowamynda garşydaşlaryna bary-ýogy ýeke-täk utuk berdi.
Altyn medal ugrundaky final duşuşygynda Sanjarbek belarusly türgen Ýewgeniý Mihnodan 8:0 hasabynda ynamly üstün çykdy.
Sanjarbek Awazberdiýewiň tutluşyklarynyň netijeleri:
1/16 final: Lenin Guerrany (Ekwador) ýeňdi — 6:0
1/8 final: Ýan Raskinden (Ukraina) üstün çykdy — 9:0
1/4 final: Abdelmunim Faruhini (Marokko) ahmyrda goýdy — 8:0
1/2 final (Ýarym final): Mais Nersesýadan (Ermenistan) üstün çykdy — 8:1
Final: Ýewgeniý Mihnony (Belarus) ýeňdi — 8:0
