Seýitnazar Seýdi adyndaky Türkmen döwlet mugallymçylyk institutynyň matematika we informatika hünäriniň 2-nji ýyl talyby Myrat Janmyradow Günorta-gündogar Ýewropa ýurtlarynyň Matematika guramasy tarapyndan ýokary okuw mekdepleriniň talyplarynyň arasynda geçirilen 20-nji Halkara matematika olimpiadasynda üstünlikli çykyş etdi. Ol abraýly bäsleşigiň kümüş medalyna mynasyp boldy.
Matematika hünärlerinde okaýan 1–3-nji ýyl talyplarynyň arasynda geçirilen bäsleşige 10-dan gowrak ýurtdan 200-e golaý talyp gatnaşdy.
Bäsleşik ýaş matematikaçylaryň bilim derejesini, çuňňur pikirleniş ukybyny we döredijilikli çemeleşmesini äşgär etmekde möhüm meýdança boldy.
