Türkmenistanyň Prezidenti Serdar Berdimuhamedow Türkmenistanyň Birleşen Milletler Guramasynyň ýanyndaky (Nýu-Ýork şäheri, Amerikanyň Birleşen Ştatlary) hemişelik wekilini bellemek hakynda Permana gol çekdi.
Resminama laýyklykda, Wepa Segsengeldiýewiç Hajiýew Türkmenistanyň Birleşen Milletler Guramasynyň ýanyndaky (Nýu-Ýork şäheri, Amerikanyň Birleşen Ştatlary) hemişelik wekili wezipesine bellenildi.
Şunuň bilen baglylykda, Wepa Segsengeldiýewiç Hajiýew Türkmenistanyň Şweýsariýa Konfederasiýasyndaky (Ženewa şäheri) Adatdan daşary we Doly ygtyýarly ilçisi, Birleşen Milletler Guramasynyň Ženewadaky edarasynyň ýanyndaky (Şweýsariýa Konfederasiýasy, Ženewa şäheri) Türkmenistanyň hemişelik wekili, Türkmenistanyň Watikandaky Adatdan daşary we Doly ygtyýarly ilçisi wezipelerinden boşadyldy.
