Efiopiýaly ýeňil atletikaçy Ýomif Kejelça ýarym marafon aralygyna ylgamak boýunça täze dünýä rekordyny goýdy. Argentinanyň Buenos-Aýres şäherinde geçirilen ýaryşyň netijelerine görä, Kejelça 21,1 km aralygy 56 minut 51 sekuntda geçdi.
Bu netije bilen Kejelça, mart aýynda Lissabonda ugandaly Jeýkob Kiplimo tarapyndan goýlan 57:20 görkezijä garanyňda, dünýä rekordyny 29 sekunt gowulandyrdy.
Ýomif Kejelça 29 ýaşynda. Ýarym marafondaky üstünliginden başga-da, ol uly ýol boýunça 10 km aralyga ylgamakda dünýä rekordyny özünde saklaýar — onuň bu ugurdaky netijesi 26 minut 31 sekunda deňdir. Kejelça 10 000 metr aralyga ylgamakda dünýä çempionatlarynyň iki gezek kümüş baýrakçysy (2019, 2025) hem-de 3000 metr aralyga ýapyk binalarda geçirilen dünýä çempionatlarynyň iki gezek çempionydyr (2016, 2018).
