Aşgabadyň ýaşaýjylaryna nusgawy aýdym-sazyň hakyky baýramyna öwrüljek ajaýyp medeni waka garaşýar. Koreýa Respublikasynyň Türkmenistandaky ilçihanasy hem-de Türkmenistanyň Döwlet simfoniki orkestri bilelikde özboluşly aýdym-saz konsertini taýýarlady.
4-nji oktýabrda Magtymguly adyndaky Milli sazly-drama teatrynyň sahnasynda Koreýa Respublikasynyň meşhur artistleri çykyş eder: tenor Kwon Hwapýon hem-de messo-soprano Kwon Minji. Olaryň öňdebaryjy türkmen sazandalary bilen bilelikde ýerine ýetirjek eserleri wokal ussatlygynyň sazlaşygy hem-de saz gurallarynyň özboluşly owazlary bilen utgaşyp, tomaşaçylarda ýatdan çykmajak täsirleri döreder.
Bu çäre Koreýa Respublikasy bilen Türkmenistanyň arasynda medeni gatnaşyklary pugtalandyrmakda nobatdaky möhüm ädim bolar. Ol myhmanlaryň iki ýurduň zehinli artistleriniň ýerine ýetirmegindäki nusgawy sazlardan lezzet almagyna kömek eder.
Konsert 19:00-da başlanýar. Giriş tölegsiz.
