Paýtagtymyzda 18 ýaşa çenli türgenleriň arasynda basketbol boýunça Türkmenistanyň birinjiligi dowam edýär.
Ýaryşa alty topary gatnaşýar: «Ahal», «Aşgabat», «Balkan», «Daşoguz», «Lebap» we «Mary».
Oýunlar Türkmen döwlet bedenterbiýe we sport institutynyň köpugurly sport toplumynyň meýdançasynda geçirilýär.
Şu günki — 18-nji apreldäki oýunlaryň tertibi:
«Balkan» — «Daşoguz» (10:00)
«Mary» — «Lebap» (12:00)
«Ahal» — «Aşgabat» (17:00)
Birinjilik 19-njy aprelde tamamlanar.
Bellemeli zat, 20 — 29-njy mart aralygynda ýurdumyzda 16 ýaşa çenli oýunçylaryň arasynda hem şunuň ýaly ýaryş geçirilipdi. Şol bäsleşigiň ýeňijisi «Balkan» topary bolupdy.
