Watanymyzda giňden bellenilen baýramçylyk dabaralary Magtymguly Pyragy medeni-seýilgäh toplumynyň çäginde ýaýbaňlandyryldy. Çärä jemgyýetçilik guramalarynyň ýolbaşçylary, medeniýet we sungat işgärleri, talyp ýaşlar, şeýle hem Aşgabat şäheriniň ýaşaýjylary gatnaşdylar.
Ilki bilen ýadygärligiň etegine şahyryň öňdengörüjilikli pähim-paýhasyna we edermenligine belent hormatyň hem sarpanyň nyşany hökmünde Türkmenistanyň Prezidentiniň adyndan gül sebedi goýuldy.
Bu ägirt uly taslamanyň awtory — Türkmenistanyň Gahrymany Saragt Babaýewiň dabara gatnaşmagy çäräniň ähmiýetini has-da artdyrdy.
Öz zehinini umumadamzat gymmatlyklaryna hyzmat etmäge bagyşlan Magtymguly Pyragy şu günki günde dünýäniň ruhy-intellektual ösüşiniň esasy şahsyýetleriniň biri hökmünde ykrar edilýär. Şanly senä bagyşlanan baýramçylyk çäreleri tutuş ýurt boýunça ýaýbaňlandyryldy.
