Hindistanyň ilçihanasy 14—16-njy awgust aralygynda Aşgabatda hindi filmleriniň festiwalyny geçirer. Kino görkezilişleri hindi diasporasynyň wekilleri hem-de isleg bildirýänleriň ählisi üçin açykdyr.
Festiwal Aşgabadyň Magtymguly şaýolunyň 115-nji jaýynda ýerleşýän kinoteatrda geçiriler. Üç günüň dowamynda tomaşaçylar hindi kinematografiýasynyň dürli ýyllarda surata düşürilen meşhur filmlerine tomaşa edip bilerler.
Festiwalyň maksatnamasy:
14-nji awgust (anna), sagat 17:00 — «Dangal» atly sport dramasy (2016 ý.);
15-nji awgust (şenbe), sagat 17:00 — «Ogrulanmadyk gelinlik» atly romantik komediýasy (1995 ý.);
16-nji awgust (ýekşenbe), sagat 11:00 — «Hindistan, öňe!» sport dramasy (2007 ý.).
Ähli kino seanslaryna giriş mugt!
Tomaşaçylar görkezilişlere öňünden hasaba durmazdan, nobat boýunça girip bilerler.
Festiwal Hindistanyň baý medeniýetini, däp-dessurlaryny we döwrebap gymmatlyklaryny şöhlelendirýän hindi kinosynyň iň görnükli nusgalary bilen tanyşmaga ajaýyp mümkinçilik döreder.
