Maýa Kulyýewa adyndaky Türkmen milli konserwatoriýasynda «Täze tolkun» toparynyň gatnaşmagynda sazly agşam geçiriler.
Ýokary okuw mekdebiň uçurymlaryny bir ýere jemleýän saz topary 20-nji oktýabrda konserwatoriýanyň Uly zalynda çykyş eder. Konsert maksatnamasyna dünýä estrada sungatynyň dürli dillerde ýerine ýetirilýän meşhur aýdymlary girizilip, olar döwrebap saz öwüşgininde ýaňlanar.
Konsert sagat 18:00-da başlanar. Guramaçylar ähli saz söýüjileri bu çärä gatnaşmaga çagyrýarlar. Giriş tölegsiz.
