Russiýanyň Türkmenistandaky ilçihanasynyň Bilim, ylym we medeniýet bölümi Naberežnyý Çelnynyň döwlet pedagogiki uniwersitetiniň (НГПУ) goldawy bilen, rus dili boýunça açyk bäsleşigiň başlanandygyny habar berýär. Oňa ýaşy 14-den ýokary bolanlar gatnaşyp biler.
Gatnaşyjylara ýerine ýetirmek üçin 15 synag sowaly (utgaşma, yzygiderlilik, logika boýunça) hödürlener. Şeýle hem döredijilik gönükmesi — islendik tema boýunça kiçi esse berler.
Isleg bildirýänler 25-nji noýabrdan 26-njy dekabra çenli her gün sagat 11:00 — 17:00 aralygynda Aşgabatdaky Rus öýüne gelip, bäsleşige gatnaşyp bilerler. Ýeňijiler 2026-njy ýylyň 26-njy ýanwarynda yglan ediler.
Bu bäsleşik öz bilimiňizi synap görmek, döredijilik ukypyňyzy görkezmek we sowgatlara eýe bolmak üçin ajaýyp mümkinçilikdir.