Türkmenistanda ýapon dili boýunça halkara «JLPT 2026» (Japanese Language Proficiency Test) hünär derejesini anyklaýyş synagyna hasaba alyş işleri başlanýar.
Bu synag raýatlara öz dil derejesini tassyklamaga mümkinçilik berýär. Bu bolsa daşary ýurtlaryň ýokary okuw mekdeplerine girmek, hünär kämilleşdiriş okuwlaryna gatnaşmak we halkara kompaniýalarda zähmet ýoluny gurmak üçin zerur şertleriň biridir.
Hasaba alyş döwri: 2026-njy ýylyň 24-nji awgustyndan 5-nji sentýabry aralygynda.
Synagyň geçiriljek senesi: 2026-njy ýylyň 6-njy dekabry.
Hödürlenýän derejeler: N5-den N1-e çenli.
Gatnaşmagyň tölegi: 80 TMT (ähli derejeler üçin birmeňzeş nyrh).
Resminamalar Türkmenistanyň Oguz han adyndaky Inžener-tehnologiýalar uniwersitetiniň «Goşmaça we üznüksiz bilim» okuw merkezinde kabul edilýär.
Guramaçylar ýapon dilini öwrenýänleriň ählisini öz bilimlerini barlap görmäge hem-de hünär we bilim maksatlaryna ýetmek ugrunda täze ädim ätmäge çagyrýarlar.
Kabul ediş toparynyň iş tertibi:
Duşenbe – Anna: 09:00 – 18:00, arakesme: 13:00 – 14:00
Şenbe: 09:00 – 14:30 (arakesmesiz)
Ýekşenbe: Dynç güni
Habarlaşmak üçin telefon belgiler:
+993 62 251589
+993 63 346543
