Daşoguzda dessançy bagşylaryň festiwaly açyldy: milli eposlaryň we mirasa öwrülen däp-dessurlaryň baýramy

Da­şo­gu­zyň Nur­mu­ham­met An­da­lyp adyn­da­ky döw­let saz­ly dra­ma teat­ryn­da ýur­du­my­zyň des­san­çy bag­şy­la­ry­nyň «Dün­ýä­de ýaň­lan­ýar ajap des­sa­nym, toý tut­ýar Ga­raş­syz Türk­me­nis­ta­nym» at­ly fes­ti­wa­ly­nyň açy­lyş da­ba­ra­sy ge­çi­ril­di. Oňa Di­ýa­ry­my­zyň äh­li se­bit­le­rin­den me­de­ni­ýet ul­ga­my­nyň, ÝU­NES­KO-nyň iş­le­ri ba­ra­da Türk­me­nis­ta­nyň mil­li to­pa­ry­nyň ýol­baş­çy­la­ry we iş­gär­le­ri, des­san­çy bag­şy­lar, sun­ga­ty öw­re­ni­ji­ler, köp­çü­lik­le­ýin ha­bar be­riş se­riş­de­le­ri­niň we­kil­le­ri gat­naş­dy­lar.

Fes­ti­wa­lyň me­de­ni mak­sat­na­ma­sy çä­re­le­re baý­dy­gy bi­len ta­pa­wut­lan­ýar. Açy­lyş da­ba­ra­sy­nyň öňü­sy­ra­syn­da oňa gat­na­şy­jy­lar mil­li mi­ra­sy­myz, hu­su­san-da, bag­şy­çy­lyk ýo­lu­nyň ta­ry­hy­na we hä­zir­ki dö­wür­de my­na­syp ös­dü­ri­li­şi­ne ba­gyş­la­nan ser­gi bi­len ta­nyş­dy­lar.

Da­ba­ra Di­ýa­ry­my­zyň we­la­ýat­la­ry­nyň des­san­çy bag­şy­la­ry­nyň kon­ser­ti bi­len ut­ga­şyk­ly­lyk­da do­wam et­di. Bu, öz ge­ze­gin­de, ýur­du­my­zyň her se­bi­ti­ne mah­sus des­san­çy­lyk däp­le­ri bi­len ýa­kyn­dan ta­nyş­ma­ga müm­kin­çi­lik dö­ret­di.

Gü­nüň ikin­ji ýa­ry­myn­da Şa­bat et­ra­by­nyň Di­le­war ge­ňeş­li­gi­niň Al­tyn ýol oba me­de­ni­ýet öýün­de «Des­san­çy bag­şy­lar jo­şa ge­len­de» at­ly yl­my-ama­ly mas­la­hat ge­çi­ril­di. On­da bag­şy­çy­lyk we des­san­çy­lyk sun­ga­ty­nyň ösü­şi, hä­zir­ki za­man usul­lar bi­len baý­laş­dy­ry­ly­şy ba­ra­da­ky çy­kyş­lar diň­le­nil­di.

Mas­la­hat­da des­san­çy­lyk ýo­lu­nyň us­sat ha­ly­pa­la­ry, türk­men des­san­la­ry­nyň ki­no sun­ga­tyn­da­ky or­ny, ola­ryň aý­dy­lyş usul­la­ry ba­ra­da gi­ňiş­le­ýin gür­rüň edil­di. Şeý­le-de us­sat des­san­çy bag­şy­lar halk des­san­la­ryn­dan par­ça­la­ry ýe­ri­ne ýe­tir­di­ler.

Fes­ti­wa­lyň bi­rin­ji gü­nü­niň çäk­le­rin­de oňa gat­na­şy­jy­lar Da­şo­guz we­la­ýa­ty­nyň Ta­ry­hy we ül­kä­ni öw­re­niş mu­ze­ýi­ne ba­ryp gör­dü­ler. Ag­şam fes­ti­wa­la gat­na­şy­jy­lar Nur­mu­ham­met An­da­lyp adyn­da­ky döw­let saz­ly dra­ma teat­ry­nyň dö­re­di­ji­lik to­pa­ry ta­ra­pyn­dan sah­na­laş­dy­ry­lan «Go­ly saz­ly, ti­li söz­li Gö­rog­ly» at­ly sah­na oý­nu­na to­ma­şa et­di­ler.

Me­de­ni çä­rä­niň ikin­ji gü­nün­de oňa gat­na­şy­jy­lar se­bi­tiň bag­şy­çy­lyk sun­ga­ty­na de­giş­li ta­ry­hy ýer­le­ri­ne ba­ryp gö­rer­ler. Şo­la­ryň ha­ta­ryn­da halk dö­re­di­ji­li­gin­de köp ýat­la­nyl­ýan Aşyk Aý­dyň pi­riň ýa­dy­gär­li­gi, Da­şo­guz şä­he­rin­dä­ki Bag­şy­lar mu­ze­ýi hem bar. 1992-nji ýyl­da dö­re­di­len mu­ze­ýiň gaz­na­syn­da aý­dym-saz sun­ga­ty­na de­giş­li köp san­ly gym­mat­lyk­lar, ede­bi­ýat­lar sak­lan­ýar. Ýur­du­my­zyň des­san­çy bag­şy­la­ry­nyň gat­naş­ma­gyn­da ge­çi­ril­jek «Bag­şy des­san aý­dan­da» at­ly kon­sert ga­dy­my mi­ra­sy­my­zyň kö­pu­gur­ly aý­dy­lyş aý­ra­tyn­lyk­la­ry bi­len ta­nyş­ma­ga müm­kin­çi­lik be­rer.

Fes­ti­wa­lyň çäk­le­rin­de ha­ly­pa des­san­çy­la­ryň ýaş bag­şy-sa­zan­da­lar bi­len us­sat­lyk sa­pak­la­ry­nyň, mil­li bag­şy­çy­lyk we des­san­çy­lyk sun­ga­tyn­da yz go­ýan şah­sy­ýet­le­riň dö­re­di­ji­li­gi­ne ba­gyş­la­nan du­şu­şy­gyň gu­ral­ma­gy me­ýil­leş­di­ril­ýär. Fes­ti­wa­lyň jem­leý­ji gü­nün­de oňa gat­na­şy­jy­la­ra dip­lom we ýa­dy­gär­lik sow­gat­la­ry da­ba­ra­ly ýag­daý­da gow­şu­ry­lar.