Hytaýyň paýtagty Pekinde ilkindi adama meňzeş robotlaryň ýöriteleşdirilen dükany — «Robot Mall» işe başlady. Bu ýerde 40-dan gowrak brendiň robotlary müşderilere hödürlenilýär. Dükanyň myhmanlary robotlary hereketdäki ýagdaýda hem synlap bilerler: olar bu ýere gelýänleri garşylaýarlar, dil biliminiň tejribesinden peýdalanýarlar, sergi giňişliginde ýerleşdirilen önümleri göterýärler.
Dükanyň eýesi munuň adama meňzeş robotlaryň tejribehana şertlerinden gündelik durmuşymyza ornaşdyrmak tapgyry bolup durýandygyny tassyklaýar. Saýlamak üçin güýmenje, okuw, müşderilere hyzmat ediş we uly fiziki güýji talap etmeýän işler boýunça kämil mümkinçiliklere eýelik edýän robotlar hödürlenilýär.
Dükanyň assortimenti Hytaýda androidler bazarynyň näderejede çalt ösýändiginiň görkezijisine öwrüldi. Eger, ozal adamlar tarapyndan şeýle gurluşlaryň önümçiligi bilen bary-ýogy birnäçe kompaniýanyň meşgullanýandygy ykrar edilen bolsa, indi dürli maksatlar üçin niýetlenen we mümkinçilikleriniň derejeleri kämil bolan köpugurly nusgalaryň uly toplumy döredildi.
