Ýagşygeldi Kakaýew adyndaky Halkara nebit we gaz uniwersitetinde 2026–2027-nji okuw ýylyndan başlap, 5.37.04.33 «Nebitgaz pudagynyň ykdysadyýeti we dolandyrylyşy» atly täze magistratura maksatnamasy açyldy. Bu maksatnama «Erasmus+» (ESGCA we GDCAU) taslamalarynyň çäklerinde işlenip düzülip, ol agrosenagat toplumyna we energetika pudagyna ESG ýörelgelerini, «ýaşyl» özgertmeleri hem-de durnukly ösüşi ornaşdyrmaga gönükdirilendir.
Magistratura maksatnamasy biri-birini özara doldurýan iki hünär ugruny öz içine alýar:
5.37.04.33-01 «ESG strategiýalary» — ekologik we durmuş töwekgelçiliklerine baha bermäge, korporatiw dolandyryşa we durnukly maliýeleşdirmäge esasy ünsi gönükdirýär.
5.37.04.33-02 «Nebit-gaz pudagynyň durnukly ösüşi» — energiýa netijeliligine, tebigy baýlyklardan rejeli peýdalanmaga we ekologiýa ýetirilýän täsiri azaltmaga niýetlenendir.
Talyplyga kabul ediş möwsümi 100 göterimlik görkeziji bilen tamamlandy. Giriş synaglarynyň netijeleri boýunça meýilleşdirilen 50 ýeriň ählisi dolduryldy we magistrantlar iki hünär toparyna bölündi. Bu maksatnama ýurduň ýokary bilim ulgamyna halkara bilim standartlarynyň üstünlikli ornaşdyrmagynyň iş ýüzündäki nusgasyna öwrüldi.
