Türkmenistan bilen Gazagystan maglumat giňişligindäki hyzmatdaşlygy täze derejä çykarýarlar. Media hyzmatdaşlygyny berkitmekde esasy ädim hökmünde ikitaraplaýyn gatnaşyklaryň taryhynda ilkinji gezek hemişelik hereket edýän bilelikdäki media geňeşi dörediler.
Täze maslahat beriş-utgaşdyryş edarasy hünär tejribesiniň alyş-çalşygyny işjeňleşdirmäge, döwlet teleýaýlymlarynyň arasyndaky aragatnaşyklary giňeltmäge hem-de yzygiderli media mazmunynyň (kontentiň) alşylmagyny ýola goýmaga gönükdirilendir.
Gazanylan ylalaşyklaryň amaly taýdan durmuşa geçirilmegi hökmünde sebitiň esasy wakalaryny beýan edýän «Silk Way» hem-de kino sungatyna ýöriteleşen «Silk Way Cinema» atly Gazagystanyň halkara teleýaýlymlary Türkmenistanyň ýaýlym toruna goşular.
