Türkmenistanyň Ministrler Kabinetiniň Başlygynyň orunbasary Nökerguly Atagulyýew Azerbaýjan Respublikasynda saparda bolýar.
«AZERTAC» agentliginiň habar bermegine görä, Türkmenistanyň wise-premýerini Geýdar Aliýew adyndaky Halkara howa menzilinde Azerbaýjanyň ykdysadyýet ministriniň birinji orunbasary Elnur Aliýew, daşary işler ministriniň orunbasary Samir Şerifow hem-de beýleki resmi adamlar garşyladylar.
Türkmenistanyň Ministrler Kabinetiniň Başlygynyň orunbasary Nökerguly Atagulyýew 30-njy martda Gruziýada saparda boldy. Saparyň çäklerinde wise-premýer Gruziýanyň Premýer-ministri Irakli Kobahidze hem-de ykdysadyýet we durnukly ösüş ministri Mariam Kwriwişwili bilen duşuşdy.
