Aşgabatdaky russiýaly diplomatlar tylyň 98 ýaşly zähmetkeşi Tatýana Muşegowna Awakowany doglan güni bilen gutladylar.
29-njy iýulda diplomatik wekilhananyň wekilleri doglan gününi belleýän zenanyň öýüne baryp, oňa Russiýanyň Prezidenti Wladimir Putiniň gutlag hatyny gowşurdylar.
Agyr uruş ýyllarynda Tatýana Muşegowna Aşgabadyň ýeňil senagat kärhanasynda zähmet çekip, frontçylary eşik we esbaplar bilen üpjün etmek arkaly Ýeňşe öz goşandyny goşupdy.
Ilçihananyň wekilleri Tatýana Muşegowna ak ýürekden berk jan saglyk we abadançylyk arzuw etdiler.
