Russiýa Federasiýasynyň Prezidenti Wladimir Putin Türkmenistanyň Prezidenti Serdar Berdimuhamedowy doglan güni bilen gutlady. Bu barada «TDH» habar berdi.
Rus lideri öz hatynda döwlet Baştutanymyzyň ýolbaşçylygyda Türkmenistanyň durmuş-ykdysady ösüşiň ýoly bilen üstünlikli öňe gitmegini dowam edip, dünýä giňişligindäki abraýyny barha pugtalandyrýandygyny belledi. Wladimir Putin ikitaraplaýyn gatnaşyklary ösdürmek boýunça bilelikdäki tagallalaryň ýokary ähmiýete eýedigini nygtady:
«Biz Siziň ýurtlarymyzyň arasyndaky çuňlaşdyrylan strategik hyzmatdaşlygy mundan beýläk-de ösdürmäge gönükdirilen tagallalaryňyza ýokary baha berýäris».
Mundan başga-da, Prezident Wladimir Putin Russiýanyň we Türkmenistanyň dostlukly halklarynyň, Merkezi Aziýada, Hazar sebitinde howpsuzlygy, durnuklylygy üpjün etmegiň bähbidine ikitaraplaýyn hem-de halkara gün tertibiniň möhüm meseleleri boýunça bilelikdäki işleri dowam etdirjekdigine ynam bildirdi. Ol Türkmenistanyň Prezidentine berk jan saglyk, bagtyýarlyk, abadançylyk, jogapkärli döwlet işiňizde täze üstünlikleri arzuw etdi.
