2026-njy ýylyň 1-nji ýanwaryndan Özbegistanda aýratyn awtomobil belgilerini resmileşdirmäge rugsat berler. Şunlukda, awtoulaglar üçin harplaryň we (ýa-da) sanlaryň özboluşly utgaşmasyndan ybarat bolan özboluşly belgileri resmileşdirmäge mümkinçilik dörediler. Mysal üçin, öz adyňyzy, şäheriň adyny ýa-da başga bir islendik sözi belgi hökmünde ulanmak mümkin bolar. Esasy çäklendirme — belgide altydan köp nyşan (harp we/ýa-da san) bolmaly däl. Täze düzgüniň girizilýändigi barada ýurduň hökümetiniň degişli kararyna salgylanýan «UzA» agentligi habar berýär.
Resminama laýyklykda, umumy kabul edilen belgileriň talabyna laýyk gelmeýän, özboluşly belgileri awtoulag eýelerine bermek hukugy döwlet tarapyndan döredilen kärhana — «Uzawtomotobelgi» döwlet unitar kärhanasyna geçirilýär.
Bu görnüşdäki belgi nyşanlary halkyň islegine we teklibine görä, açyk elektron auksionlar arkaly satylar.
Bu ýerde esasy talaplar täze belgileriň öň ulanylýan belgilerde gaýtalanmaýandygy, ýurduň kanunçylygyna we ahlak kadalaryna garşy gelýän mazmuny götermeýändigi bilen baglydyr.
