Fransiýanyň günortasynda ýerleşýän Gar departamentinde haýyr-sahawat guramasy ýalňyz ýaşaýan garrylara telefon arkaly goldaw bermek maksatnamasyny amala aşyrmaga taýýarlanýar. Lukmanlar şeýle goldawyň olar üçin örän möhümdigini belleýärler.
Pensiýadaky adamlaryň köpüsi departamentiň oba ýerlerinde ýaşaýarlar. Şol ýerlerde ilatyň sanynyň ep-esli azalmagy sebäpli, garrylar dostlaryndan we goňşularyndan mahrum boldular. Şonuň üçin hem, meýletinçileriň gündelik jaňlary olar üçin aragatnaşyk saklamagyň ýeke-täk usuly bolup biler.
Bu başlangyç yzygiderli, mähirli we aladaly söhbetdeşlik arkaly garrylary jemgyýetden üzňelikden halas etmäge we uzak aralykdan bolsa-da, olara şatlyk peşgeş bermäge ýardam eder.
Meýletinçilere haýyr-sahawat guramasynyň topary tarapyndan ýörite tälim berler. Garry adama ediljek ilkinji jaň tanyşmaga mümkinçilik berer — ýaşuly nesliň wekilleri öz isleglerini we bu aragatnaşykdan nämelere garaşýandyklaryny aýdyp bilerler. Soňra bolsa olardan durmuş ýollaryny ýatlamagy we öz tejribelerini gaýybana paýlaşmagy haýyş ederler. Maksatnamanyň awtorlarynyň aýtmagyna görä, bu geljekki söhbetdeşlikleriň iň gyzykly bölegidir.
