Ýakyn günlerde paýtagtymyzyň ýaşaýjylaryna we myhmanlaryna giň gerimli çeperçilik sergilerini, simfonik saz agşamyny hem-de dürli teatr oýunlaryny öz içine alýan baý medeni maksatnama garaşýar. Bu barada «Türkmenistan: Altyn asyr» habar berýär.
Türkmenistanyň Şekillendiriş sungaty muzeýinde Hoşgeldi Şahberdiýewiň eserleriniň şahsy sergisi eýýäm badalga aldy. Muzeýiň ikinji gatynda ussadyň iň naýbaşy suratlary, natýurmortlary we grafiki işleri tomaşaçylara hödürlenýär.
17-nji oktýabrda sagat 19:00-da aýdym-saz estafetasyny Döwlet medeniýet merkeziniň Mukamlar köşgi dowam etdirer: Rasul Gylyjowyň ýolbaşçylygyndaky Döwlet simfoniki orkestri Mosartyň, Bethoweniň, Ştrausyň, Legaryň we Zuppeniň ölmez-ýitmez eserlerini öz içine alýan «Wena sahypalary» atly maksatnamasyny köpçülige hödürlär.
19-njy oktýabrda sagat 19:00-da Türkmenistanyň Döwlet çeperçilik akademiýasynda açyljak «MAMA. Ene tebigat» atly halkara medeni-ekologik sergi aýratyn waka öwrüler. Bu bilelikdäki taslama Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasy hem-de Geýdar Aliýew adyndaky Gazna tarapyndan, Azerbaýjanyň ilçihanasynyň ýardam bermeginde guralar.
Mundan başga-da, sahna sungatynyň muşdaklaryny paýtagtymyzyň teatrlary öz repertuarlaryndaky spektakllaryna tomaşa etmäge çagyrýarlar:
Türkmenistanyň Beýik Saparmyrat Türkmenbaşy adyndaky Baş akademiki drama teatry:
17.10.2026: «Wah, siz aýallar» 19:00;
18.10.2026: «Saňa ýalan, maňa çyn» 19:00.
Türkmenistanyň Magtymguly adyndaky milli sazly drama teatry:
17.10.2026: «Dil tapyşanlar» spektaklynyň premýerasy 19:00;
18.10.2026: «Dil tapyşanlar» spektaklynyň premýerasy 19:00.
Türkmenistanyň Alp Arslan adyndaky milli drama teatry:
16.10.2026: «Näzli Dildarym» 19:00;
17.10.2026: «Hak aşyklar» 19:00;
18.10.2026: «Mähriban didiler» 19:00.
Государственный русский драматический театр имени Пушкина:
17.10.2026: «Маша и Медведь» 12:00;
17.10.2026: «Сёстры» 19:00;
18.10.2026: «Колобок» 11:00; 13:00;
18.10.2026: «Осенний вальс» 19:00.
A.S.Puşkin adyndaky döwlet rus drama teatry:
17.10.2026: «Bir towşanjyk bar eken» 17:00;
17.10.2026: «Jüýteniň toýy» 19:00;
18.10.2026: «Maşa we aýy» 12:00; 17:00;
18.10.2026: «Wah bu söýgüdä» 19:00.
