22 — 25-nji oktýabr aralygynda Aşgabatda ekologiýa, durnukly ösüş, sagdyn durmuş ýörelgesi, diplomatiýa, sanlaşdyrma we STEM-innowasiýalary meselelerine bagyşlanan ýaşlar çäreleriniň tapgyry geçiriler. Bu maksatnama Birleşen Milletler Guramasynyň Ösüş Maksatnamasynyň (BMGÖM) Türkmenistandaky wekilhanasy tarapyndan «Ýaş tebigatçy» jemgyýetçilik guramasy hem-de «Ýaş inženerler alýansy» ýaşlar başlangyjy bilen bilelikde guralýar.
Çärelere ýaşlar we talyplar gatnaşarlar. Maksatnama bag ekmek dabarasyny, sagaldyş eko-marafonyny, komitetleriň mejlislerini, kararnamalaryň taslamalaryny taýýarlamagy, interaktiw sergini we medeni festiwaly öz içine alýar.
22-nji oktýabr — «Ýaşyl miras» başlangyjy
Birinji günüň çäreleri Türkmenistanyň Ylymlar akademiýasynyň Halkara ylmy-tehnologiýa parkynda geçiriler.
09:00 – 10:00 — Gatnaşyjylaryň ýygnanmagy we hasaba alynmagy, ekologik aksiýa boýunça gözükdirme bermek hem-de ýerli ekoulgamy gorap saklamagyň maksatlary bilen tanyşdyrmak.
10:00 – 12:00 — Ekologik jogapkärçiligi kemala getirmäge we ýaşlary daşky gurşawy goramaga çekmäge gönükdirilen «Ýaşyl miras» atly ýaşlaryň bag ekmek çäresi.
12:00 – 13:00 — Ekologik networking we kofe-breýk (gatnaşyjylaryň we hünärmenleriň resmi däl ýagdaýda özara pikir alyşmagy).
23-nji oktýabr — Ýaşlaryň sagaldyş eko-marafony
Ikinji gün «Türkmenistanyň Garaşsyzlygynyň 15 ýyllygy» seýilgähinde geçiriler. Bu çäre BMGÖM-iň Türkmenistandaky wekilhanasy tarapyndan hyzmatdaşlaryň gatnaşmagynda hem-de «Run Rush» ylgaw jemgyýetçiliginiň goldamagynda guralýar.
09:00 – 09:30 — Gatnaşyjylaryň ýygnanmagy we hasaba alynmagy.
09:30 – 10:00 — Sagdyn durmuş ýörelgesine bagyşlanan sapak we marafona taýýarlyk.
10:00 – 11:00 — Bedenterbiýe işjeňligini we ekologik jogapkärçiligi wagyz etmäge gönükdirilen ýaşlaryň eko-marafony hem-de sagaldyş ylgawy.
11:00 – 12:00 — Pellehana zolagy, ýeňil naharlanmak we günortanlyk nahary, ylgawdan soň bedeniň suw balansyny dikeltmek we gatnaşyjylaryň erkin söhbetdeşligi.
24-nji oktýabr — Ýaşlar ekologiýa maslahatynyň açylyşy
Maslahatyň esasy maksatnamasy 24-nji oktýabrda Türkmenistanyň Ylymlar akademiýasynyň Halkara ylmy-tehnologiýa parkynda başlanar. Üns merkezinde durnukly ösüş, diplomatiýa, sanlaşdyrma we STEM-innowasiýalary bolar.
08:00 – 08:30 — Guramaçylyk toparynyň brifingi, meýdançany we resminamalary taýýarlamak.
08:30 – 09:00 — Wekilleri bellige almak we akkreditasiýa, beýjikler paýlamak we howpsuzlyk tehnikasy boýunça gözükdirme.
09:00 – 10:00 — Dabaraly umumy mejlis we guramaçylaryň hem-de baş hyzmatdaşlaryň gutlag sözleri bilen açylyş dabarasy.
10:00 – 10:15 — Gatnaşyjylaryň bellenen mejlis zallaryna geçmegi.
10:15 – 12:15 — Komitetleriň birinji mejlisi: gün tertibini tassyklamak, çykyş edijileriň sanawyny düzmek we moderatorly ara alyp maslahatlaşmalar.
12:15 – 12:30 — Naharhana zolagyna geçmek.
12:30 – 13:30 — Kofe-breýk.
13:30 – 13:45 — Wekilleriň mejlis zallaryna ýygnanmagy we kworumy barlamak.
13:45 – 15:45 — Komitetleriň ikinji mejlisi: kararnamalaryň taslamalaryny taýýarlamak, maslahatyň resminamalary boýunça çekişmeler we gepleşikler.
15:45 – 16:00 — Gatnaşyjylaryň merkezi sergi zolagyna geçmegi.
16:00 – 17:00 — «Global Village» sergisi, hyzmatdaşlaryň interaktiw diwarlyklary, medeni alyş-çalyş we kofe-breýk.
25-nji oktýabr — Jemleýji çözgütler, medeni festiwal we maslahatyň ýapylyşy
Jemleýji gün kararnamalary gutarnykly taýýarlamaga, ahyrky ses berlişe, komitetleriň işiniň netijelerini tanyşdyrmaga we medeni maksatnama bagyşlanar.
08:00 – 08:30 — Guramaçylyk toparynyň brifingi, meýdançany taýýarlamak we hasaba almagyň başlanmagy.
08:30 – 09:00 — Wekilleri bellige almak we akkreditasiýa, beýjikleri paýlamak we howpsuzlyk tehnikasy boýunça gözükdirme.
09:00 – 11:00 — Komitetleriň üçünji mejlisi: tehniki düzedişleri ara alyp maslahatlaşmak, kararnamalaryň taslamalaryny ahyrky redaktirlemek we jemleýji ses berliş.
11:00 – 11:15 — Wekilleriň baş mejlis zalyna geçmegi.
11:15 – 12:15 — Jemleýji umumy ses berliş we «Model Global Youth Stocktake» formatyndaky çäre. Gatnaşyjylar komitetler tarapyndan kabul edilen kararnamalary hödürlärler we jemleýji jemgyýetçilik hasabatyny kabul etmegiň modelini amala aşyrarlar.
12:15 – 12:30 — Naharhana zalyna geçmek.
12:30 – 13:30 — Günortanlyk nahary.
13:30 – 13:45 — Gatnaşyjylaryň meýdança zolagyna (Plaza) geçmegi.
13:45 – 15:15 — Medeni festiwal, ýaşlaryň çykyşlary, milli lybaslaryň tanyşdyrylyşy, gatnaşyjylaryň söhbetdeşligi we çaý-nahar.
15:15 – 15:30 — Jemleýji umumy mejlis üçin baş mejlis zalyna geçmek.
15:30 – 17:00 — Baýrak gowşurylyş we maslahatyň ýapylyş dabarasy, şahadatnamalary (sertifikatlary) gowşurmak, guramaçylaryň we baş hyzmatdaşlaryň jemleýji çykyşlary.
Maksatnama laýyklykda, maslahata Türkmenistanyň Bilim ministrliginiň wekilleri, talyplar hem-de ýurdumyzyň birnäçe ýokary we orta hünär okuw mekdepleriniň wekilleri gatnaşarlar.
Guramaçylar bu maksatnamanyň ekologik medeniýeti ösdürmek, ýaşlaryň hyzmatdaşlygyny pugtalandyrmak, pikir alyşmak hem-de durnukly ösüşe, sanlaşdyrma we STEM-innowasiýalaryna döwrebap çemeleşmeleri ara alyp maslahatlaşmak üçin amatly meýdança öwrüljekdigine bil baglaýarlar.
