Düýn — 24-nji iýulda Ýewropa ligasynyň ikinji saýlama raundynyň birinji duşuşyklary geçirildi.
Raundyň köpleriň üns merkezinden ornuny tapan duşuşygy Türkiýe Respublikasynyň Istanbul şäherinde geçirilen «Beşiktaş (Türkiýe) we «Şahtýor» (Ukraina) klublarynyň arasyndaky duşuşyk boldy. Arda Turanyň ýolbaşçylygyndaky «Şahtýor» (Ukraina) myhmançylykda türk klubuny ýeňlişe sezewar etdi — 4:2.
Ukrain klubundan braziliýaly Alisonyň (7-nji minut), Eginaldonyň (28-nji minut) hem-de dubl etmegiň hötdesinden gelen Kewiniň (67-nji we 90+6-njy minutlar) tapawutlanandygyny bellemek gerek. Ýer eýeleriniň gollaryny bolsa Temmi Abraham (40-njy minut, 11 metrlik jerime urgusy) hem-de Žoau Mariu (87-nji minut) geçirdi.
Ýewropa ligasynyň ikinji saýlama raundynyň beýleki duşuşyklarynyň netijeleri:
«Banik Ostrawa» — «Legiýa Warşawa» 2:2
«Şerif» — «Utreht» 1:3
«Mitýulland» — «Hibernian» 1:1
«Lewski Sofiýa» — «Braga» 0:0
«Sele» — «AEK Larnaka» 1:1
«Anderleht» — «Geken» 1:0
«Beşiktaş» — «Şahtýor» 2:4
«Lugano» — «ÇFR Kluž» 0:0
Bu klublaryň arasyndaky jogap duşuşyklary 31-nji iýulda geçiriler.
