«Ýüpek ýoly 2025» ralli-reýdiniň onunjy tapgyrynda ekipažlar myhmansöýer Mongoliýa bilen hoşlaşyp, Russiýanyň çägine aralaşdylar. Deňiz derejesinden 1200 — 2150 metr belentlikde külterlenen menziller gaýtalanmajak tebigy gözellikleri bile sürüjilerde ýatdan çykmajak täsirleri döretdi. Tapgyrda umumy geçilmeli ýol 515,46 km bolsa, ýörite külterlenmeli meýdança 257,54 km deňdir.
Ýaryşyň T2 bäsleşigi ýene-de ildeşlerimiziň üstünliklerine beslendi. Şeýlelikde, doganlar Merdan we Şöhrat Toýlyýewleriň ekipažy birinji orny eýeledi. Şolardan 25 minut yza galan Meýlis Abdullaýewiň ekipažy ikinji boldy. Umumy hasapda bolsa Toýlyýewler Abdullaýewiň toparyndan 7 sagada golaý öňde barýarlar.
Ýaryş dowam edýär.
