Türkmenistanyn̆ 3x3 basketbol boýunça erkekler we zenanlar ýygyndy toparlaryna möhüm synag garaşýar. Toparlarymyz 12-13-nji dekabr aralygynda Russiýanyň Kaluga şäherinde geçiriljek «United Continental League 3x3» halkara ýaryşyna gatnaşýarlar.
Düýn ildeşlerimiz ýaryşa gatnaşmak üçin Russiýa tarap ýola düşdüler. Abraýly basketbol ligasyna gatnaşjak ýygyndylarymyzyň her birine (erkekler hem zenanlar) ýurdumyzyň iň güýçli basketbolçylarynyň bäşisi wekilçilik edýär.
Erkekler ýygyndy toparymyz:
• Ýewgeniý Nazipow
• Kerim Mämmetmyradow
• Muhammet Arazmämmedow
• Ahmet Şamyradow
• Şalar Hydyrow
Zenanlar ýygyndy toparymyz:
• Jennet Hajymämmedowa
• Maral Merdanowa
• Dilfuza Azizowa
• Gözel Hydyrowa
• Farangiz Saidowa
Biz basketbol boýunça erkekler hem-de zenanlar ýygyndy toparlarymyza abraýly ýaryşda uly üstünlikleriň hemra bolmagyny arzuw edýäris.