Şu gün — 27-nji awgustda Türkmenistanyň futbol boýunça ýaşlar ýygyndysy (U23) Aziýa Kubogy-2026-nyň saýlama tapgyrynyň duşuşyklaryna gatnaşmak üçin Iordaniýanyň paýtagty Amman şäherine tarap ýola düşdi. Ýygyndy toparymyza 23 futbolçy wekilçilik edýär. Toparyň baş tälimçisi — Ahmet Agamyradow.
Türkmenistanyň (U23) ýaşlar ýygyndysynyň düzümi:
Derwezeçiler: Seýran Aşirow («Arkadag»), Wepa Mammaýew («Ahal»), Kakageldi Berdiýew («Ahal»).
Goragçylar: Ilýas Çaryýew («Arkadag»), Pälwan Annaýew («Arkadag»), Galabeg Jumamyradow («Köpetdag»), Tirkişmyrat Sarymyradow («Aşgabat»), Beglimuhammet Bekmyradow («Ahal»), Nurulla Raimbaýew («Aşgabat»).
Ýarym goragçylar: Nurtagan Saryýew («Ahal»), Arslan Saparow («Köpetdag»), Ali Haýdarow («Altyn Asyr»), Ibraýym Amangeldiýew («Arkadag»), Begenç Mämiýew («Ahal»), Magtymberdi Berenow («Ahal»), Azizbek Bekçanow («Şagadam»), Abdyrahman Annamyradow («Altyn Asyr»).
Hüjümçiler: Gurbanmuhammet Esenow («Arkadag»), Enwer Annaýew («Ahal»), Daýanç Meredow («Köpetdag»), Awdyresul Abdyýew («Merw»), Şöhrat Öwmadow («Merw»), Söhbet Durdyýew («Altyn Asyr»).
Ýurdumyzyň U23 ýaşlar düzümi 3–9-njy sentýabr aralygynda Amman şäherinde 3 resmi duşuşyk geçirer.
Futbol boýunça Türkmenistanyň ýaşlar ýygyndysynyň (U23) Aziýa Kubogy-2026-nyň saýlama tapgyryndaky garşydaşlary şu ýylyň maý aýynyň ahyrynda belli bolupdy. Çekilen bijä laýyklykda, türkmen futbolçulary «A» toparçada Iordaniýanyň, Hytaý Taýbeýiniň we Butanyň ýygyndylary bilen toparçanyň birinjiligi ugrunda göreşerler. Ýaryşyň geçiş tertibine görä, saýlama tapgyrda toparçada birinji orny eýelänler hem-de ikinji ýere mynasyp bolanlaryň iň gowy dördüsi Aziýa Kubogy-2026-a gatnaşmaga hukuk gazanar.
Türkmenistanyň U23 ýygyndy toparynyň duşuşyklarynyň senenamasy:
Türkmenistan – Hytaý Taýbeýi
Duşuşygyň senesi: 3-nji sentýabr.
Başlanýan wagty: 19:00 (Aşgabat wagty bilen).
Geçirilýän ýeri: «Amman» milli stadiony.
Butan – Türkmenistan
Duşuşygyň senesi: 6-njy sentýabr.
Başlanýan wagty: 19:00 (Aşgabat wagty bilen).
Geçirilýän ýeri: «Amman» milli stadiony.
Iordaniýa – Türkmenistan
Duşuşygyň senesi: 9-njy sentýabr.
Başlanýan wagty: 21:00 (Aşgabat wagty bilen).
Geçirilýän ýeri: «Patyşa Abdylla II» stadiony.