Ahal welaýatynyň Bäherden etrabyndaky «Ak Işan» aramgähine zyýarat etmek isleýän raýatlar üçin hoş habar yglan edildi. «Awtomobil ulag hyzmaty» AGPJ «Sarwan» hususy kärhanasynyň goldawy bilen haýyr-sahawat maksatly ýörite awtobus gatnawlarynyň ýola goýulandygyny habar berýär.
Bu ýörite awtobus gatnawy 2026-njy ýylyň 1-nji marty — 26-njy apreli aralygynda, her hepdäniň dynç günleri zyýaratçylar üçin doly tölegsiz esasda amala aşyrylar. Gatnaw tertibine görä, awtobuslar Aşgabat şäheriniň «Wokzal» awtoduralgasyndan sagat 08:00-da ugraýar we yzyna — «Ak Işan» aramgähinden paýtagtymyza tarap sagat 15:00-da ýola düşýär.
Gatnawlar barada has giňişleýin maglumat almak isleýän raýatlar aşakda bellenen telefon belgilerine ýüz tutup bilerler:
+99361-49-34-95; 44-35-20.
Hormatly ildeşler, zyýaratlaryňyz we doga-dilegleriňiz kabul bolsun!
