Işgäriň göwnüne degmän gaýtawul bermek hakynda pikir edip gördüňizmi? Dolandyryş dünýäsinde tankydy peýdaly, dialogy bolsa has netijeli häsiýete beslemäge kömek edýän gural bar. Bu «COIN» modeli — gaýtawuly ösüş mümkinçiligine öwürýän ýönekeý, ýöne güýçli çemeleşme. Hiç haçan eşitmedik bolsaňyz, alada etmäň: ony ertir ulanyp bilersiňiz we ädimme-ädim amal edersiňiz.
«Gallup» tarapyndan geçirilen gözleg işleriniň görkezişi ýaly, dürs gaýtawul işgärleriň şahsy öndürijiligini 17% ýokarlandyrýar we olaryň kompaniýany terk etmegini hem-de çalşylmagyny 59% azalýar.
«COIN» modeli näme?
Gaýtawul — diňe ýalňyşlyklary görkezmek däl. Ol — adamlaryň höwesini ýitirmezden, ösmegine kömek edýän sungat. «COIN» modeli — bu dört ädimden ybarat bolan gurluş bolup, iş baradaky söhbetiň düşnükliligini, dogruçyllygyny we peýdalylygyny şertlendirýän basgançaklarynyň çarçuwasydyr. Ol dolandyryjylar, işgärler topary üçin hem, hatda işden daşarda-da amatlydyr. Bu nähili işleýär:
Context (Tekste bagly): Haýsy ýagdaý hakda gürleşýändigiňizi düşündiriň! Mysal üçin: «Düýnki ýygnakda X taslamany ara alyp maslahatlaşanymyzda ...» Bu adama nämäniň nädogrydygyny çaklamagyň ýerine, dessine näme hakda aýdýandygyňyza düşünmäge kömek edýär.
Observation (Gözegçilik): Gören zatlaryňyzy bahalandyrmazdan ýa-da umumylaşdyrmazdan düşündiriň. «Siz hemişe gijä galýarsyňyz» diýmegiň ýerine «Duşuşyga 10 minut gijä galandygyňyzy gördüm» diýiň. Anyk maglumatlar jedellerden gaça durýar we onuň manysyna ünsi jemlemäge kömek edýär.
Impact (Täsir): Adamyň hereketleriniň ýagdaýa nähili täsir edendigini görkeziň! Mysal üçin: «Şol sebäpli, sizsiz maslahatymyza başladyk we käbir pikirler hasaba alynmady». Bu adama özüni alyp barşynyň näme üçin möhümdigine düşünmäge kömek edýär.
Next steps (Nobatdaky ädimler): Has gowy edip boljak zady maslahat beriň ýa-da adamyň özi çözgüt tapyp biler ýaly sowal beriň. Mysal üçin: «Siziň pikiriňizçe indiki gezek öz wagtynda amala aşyrmak üçin näme edilip bolar?» Bu çemeleşme çözgüt tapmaýar, özbaşdaklyga ylham berýär.
Näme sebäpden, bu netijeli usul?
«COIN» modeli diňe söhbetdeşlik üçin giriş däl. Ol gaýtawul bermek çemeleşmesini üýtgedýär. Ýalňyşlyklary görkezmegiň we adamlary günäkärlemegiň ýerine, olary goldaýan we ösüşe ýardam berýän gepleşikleri döredýärsiňiz. Adamlaryň açyklyga we hormata ähmiýet berýän häzirki dünýäsinde bu aýratyn möhümdir.
«COIN» ulananyňyzda umumy ýalňyşlyklardan gaça durarsyňyz: günäkärlemek, düşnüksiz bellikler ýa-da ahlak kadalaryny öwretmek. Munuň ýerine, adama näme bolandygyny, öňe sürülýän pikiriň näme sebäpden möhümdigini we nädip öňe gitmelidigini aýdyň suratlandyrýarsyňyz. Bu gapma-garşylyk däl-de, kämilleşmegiň ýoluny görkezýän karta ýaly.
Tejribede nähili bolar?
Kärdeşiňiziň taslama boýunça dedlaýny sypdyrandygyny göz öňüne getiriň we bu tutuş topary saklady. «Sen ýene-de ähli zady bulaşdyrdyň!» diýmegiň ýerine «COIN» usulyny synap görüň:
Tekstiň çäginde: «Bu hepde biz müşderi üçin anna güni ýetişdirilmeli hasabatymyzy taýýarlaýardyk».
Gözegçilik: «Hasabatyň saňa degişli bölegini duşenbe güni irden iberendigiňe gözüm düşdi».
Täsir: «Şol sebäpli hem, biz hasabaty müşderä wagtynda iberip ýetişmedik we ol nägileligini bildirdi».
Nobatdaky ädimler: «Geljekde dedlaýnlaryň wagtynda ýerine ýetirilmegi üçin näme edip bolar? Nähili pikir edýärsiňiz?»
Bu söhbetdeşlik diňe bir meseläni çözmek bilen çäklenmän, eýsem, kärdeşleriňiziň özüni günäkär duýmazdan, jogapkärçiligi hakda pikirlenmegine kömek edýär.
Näme sebäpden «COIN» modelini synap görmeli?
Dolandyryjy bolsaňyz ýa-da diňe kärdeşleriňiz bilen aragatnaşygy gowulaşdyrmak isleseňiz, «COIN» modeli siziň ýakyn kömekçiňizdir. Bu ýönekeýdigine garamazdan, möhüm netijeleri berýär: işgärler öz wezipelerine has gowy düşünip başlaýarlar, özlerini goldaýarlar we jogapkärçiligi öz üstlerine alýarlar. Iň esasy zat bolsa tankyt zarba hökmünde däl-de, gowulaşmak üçin bir pursat hökmünde kabul edilýän atmosferany döretmäge kömek edýär.
Indiki gezek kimdir biriniň işini ara alyp maslahatlaşjak bolanyňyzda, hökman «COIN» modelini synap görüň! Sowal beriň, anyk boluň we hormat goýuň, şonda pikirleriň ösüş üçin güýçli gurala öwrülendigini görersiňiz.
