Eger, kir ýuwýan maşynyňyzdan ýakymsyz ys gelýän bolsa ýa-da geň hapalar peýda bolsa munuň sebäbi maşynyňyzy arassalamagyň wagtynyň gelendigi bilen baglydyr. Wagtyň geçmegi bilen hapanyň toplanmagy, ýuwulma netijelerini peseldip, eşikleri zaýalap, käwagt bolsa maşynyň näsazlygyna sebäp bolup biler. Bu meseläni hünärmeni çagyrmazdan çözüp bilersiňiz. Biz kir ýuwýan maşynyňyzy öý şertlerinde nädip dogry arassalamalydygyny düşündirmek isleýäris.
Ys berýän hapalary arassalamak
Bakteriyalar diňe bir eşikleri zaýalamak bilen çäklenmän, eýsem, saglyga ýaramaz täsir edýän patogen mikroorganizmdir. Ol şlanglaryň içinde, barabanyň arkasynda we kir ýuwýan maşynyň ýyly, çygly gurşawyň dowam edýän beýleki ýerlerinde bolup biler. Çörek sodasyny, limon turşusyny, sirkäni ýa-da hlory ulanyp bakteriyadan dynmak mümkin.
Limon turşusyny ulanmak
Limon turşusy ýumşakdyr we kir ýuwýan maşynyňyzyň näzik böleklerine zeper ýetirmez. Yslary hem-de hapalary aýyrmak üçin ony aşakdaky ýaly ulanyň:
1. Kir ýuwýan serişdäni gap-gaç ýuwýan suwuklyk bilen ýuwuň. Guradyň.
2. Çekmä 4-5 gap limon turşusyny guýuň.
3. Kir ýuwýan maşyny iň ýokary temperatura bilen işlediň.
4. Maşynyň işi tamamlanansoň, howa geçişi üçin gapysyny açyň.
Islendik kir ýuwujy maşyn degişli idegi talap edýär. Bu ýazgyda beýan edilýän ýönekeý arassalaýjy serişde hapalary, yslary aýyrmaga hem-de eşikleriňizi arassa saklamaga kömek eder.
