Yssy howada kofe söýüjileriň uly bölegi gyzgyn içgi içmäge taýýar bolmaýar. Muňa garamazdan, bu janlandyryjy içgiden ýüz öwürmegiň zerurlygy ýok. Geliň, frappe taýýarlalyň. Ol sowuk we ýeňil köpükli.
ESAS
Onuň özeni espressodan ýa-da gara kofeden ybaratdyr. Blenderi buz bilen dolduryň, sowuk süýt we gaýmak goşuň. Eger ýeňil içgini halaýan bolsaňyz, diňe süýt ulanyň. Sirop guýuň: munuň üçin wanil nusgawy saýlawdyr. Eger sirop ýok bolsa, şekeri öňünden gyzgyn kofede eretmek bolar.
TAÝÝARLAMAK WE HÖDÜRLEMEK
Kofäni goşuň: ol gyzgyn hem bolup biler. Çaltlyk bilen, takmynan, 30 sekuntlap garyşdyryň. Käbir blenderlerde buz ezmek üçin ýörite programma bar: isleseňiz, ony ulanyp bilersiňiz.
Stakanlara guýuň we heniz içgi howaly we köpükli wagty dessine hödür ediň. Köpük wagtyň geçmegi bilen çöker, şonuň üçin hem, köp garaşmaň!
Show more