Öý güllerini halaýanlar üçin
Ajaýyp öý ösümlikleriniň biri bolan koleus barada aýdanymyzda, ol ýapraklarynyň reňkleriniň dürlüligi bilen haýran galdyrýar.
Biz onuň gözelligini eýýäm agzap geçdik. Onuň diňe bezeg hökmünde ulanylman, eýsem, öýüň içki howasyny hem arassalap bilýändigini bellemek gerek. Koleus formaldegidi, benzoly we ksiloly özüne siňdirýär.
Efir ýaglary ösümligiň käbir görnüşlerinden öndürilýär. Bular nerw ulgamyny rahatlandyrmak we stresi azaltmak üçin ulanylýar. Koleusda gan basyşyny peseldip bilýän forskolin hem bar. Şeýle hem, ol dem alyş wezipesini gowulandyrýar. Şeýle-de bolsa, forskolin käbir adamlarda ters täsirleri döredip biler.
Koleusy öýde ösdürmek gaty aňsat. Ösümlik hiç hili aýratyn idegi talap etmeýär. Oňa yzygiderli suwaryş we ýagtylyk gerek.
