Käbir adamlaryň ýüzi ir bilen biraz çişýär ýa-da çişen ýaly görünýär. Munuň iň köp duş gelýän sebäpleriniň biri uky wagtynda ýüzüň dokumalarynda suwuklygyň wagtlaýyn ýygnanmagy bilen baglydyr.
Bu ýagdaý uky az ýa-da aşa köp bolanda has aýdyň bolup biler. Şeýle-de agşam köp duzly iýmit iýmek bedende suwuklygyň saklanmagyna sebäp bolup, esasan hem, gözleriň töwereginde çişmegi güýçlendirip biler.
Adatça bu ýeňil çişme birnäçe sagadyň dowamynda azalýar. Emma ýüzüň çişmegi uzak wagtlap aýrylmasa, ýygy-ýygydan gaýtalansa ýa-da agyry bilen bilelikde ýüze çyksa, munuň başga sebäbi bolup biler we lukmana ýüz tutmak gerek bolar.
Show more