Penir yssyny ýa-da sowugy halamaýar: guraklykdan we çyglylykdan gorkýar. Sowadyjyda saklananda bu faktorlaryň hemmesini göz öňünde tutmaly. Bir ýalňyşlyk tagamy zaýalap biler.
DOGRY ÝER WE GAPLAMA
Sowadyjyda peýnir üçin iň gowy ýer gök önüm çekmesidir. Gapysy amatly däl, sebäbi ol ýerdäki temperatura gaty ýygy üýtgeýär.
Asyl gaplamany açanyňyzdan soň, ony pergament ýa-da folga bilen örtüň: ýapyşýan plýonkany ulanmaň. Howa üçin kiçi aralygy bolan gapda goýuň. Peýniriň tutuş bir bölegi dilimlense, önüm has uzak saklanmaýar, şonuň üçin hem, ony diňe hödürlemezden öň dilimläň.
DOŇDURMAK
Peýnir beýleki yslary aňsatlyk bilen özüne siňdirýär, şonuň üçin hem, ony sogandan, sarymsakdan we tüsselenen iýmitlerden daşda saklaň. Dürli görnüşlerini aýratyn gaplamada ýerleşdiriň. Açylansoň bolsa önümi 7 güne çenli saklap bolýar.
Doňdurmak mümkin, ýöne sebäbi bar: tekstura owradylýar we tagamy gowşaýar. Onuň diňe gaty we ýarym gaty görnüşlerini bişirmek üçin doňdurmagyň manysy bar. Böleklere bölüň, folga we plastik halta bilen örtüň. Sowadyjyda haýallyk bilen erediň. Gaýtadan doňdurmaň!
Show more