Hakyky çorbany synap gören her bir adam onuň lezzetini hiç haçan ýatdan çykarmaz. Häzirki wagtda bu tagam dürli usullar bilen taýýarlanylýar.
Bize süňkli kesilen sygyr eti, has takygy gapyrgalary gerek bolar. Et böleklerini uly gazana goýuň. Suw gaýnap başlanda, artykmaç suwuny aýryň we duz goşuň. Çorba ýuwaşlyk bilen gaýnar ýaly ody peseldiň.
Çorbany bir sagatlap gaýnadyň, şol wagtyň dowamynda et doly bişmelidir.
Soňra gök önümleri goşuň. Bulgar burçuny, käşiri we pomidory uly dörtburçluklara bölüň we sogany ownuk dograň.
Çorbamyza bitin kartoşkany hem goýuň. Elbetde, ilki bilen olary arassalaň.
Tagama lawr ýapraklaryny we islegiňiz boýunça burçlary goşuň. Bişmezinden iki minut öň çorbanyň içine ownuk dogralan sarymsak goşmak maslahat berilýär. Çorbanyň ýüzüne dürli otlary sepiň. Şonda ol saçagy has-da bezär, öňküden-de tagamly bolar.