Her bir öý hojalykçy eşiklerini ýuwanyndan soň, täze ýaly ajaýyp görünmegini, tegmilleriň we sary reňkiň bolmazlygyny isleýär. Bu, esasan hem, ak reňkli zatlara degişlidir. Her öýde ak dokma önümleriniň, hakykatdan hem, ýokary derejedäki aklygyny üpjün edýän arzan önüm bar. Ýuwulandan soň kir ýuwujy serişdäniň galyndylary köplenç kir ýuwujy maşynda galýandygy sebäpli, eşikler solgunlaşýar we görnüşini ýitirýär. Emma kir ýuwujy serişdäniň degişli bölümine azajyk duz sepseňiz, bu mesele aradan aýrylar.
Şeýle-de bolsa, solandygyna garamazdan, köne zatlary hem taşlamaň. Duzy gyzgyn suw bilen garyşdyryň we zatlary bary-ýogy kyrk minutlap bu ergine çümdüriň. Şondan soň reňkler janly bolar.
Eger, geýimiňizde aýyrmak kyn bolan sary tegmiller bar bolsa, ony duz we limon turşusy bilen sürtüň we guranyndan soň ýuwuň. Tegmil derrew ýok bolar.
Duz ýumşadyjy hökmünde hem ulanylyp bilner. Eşikleriňizi ýarym sagatlap duz erginine çümdürip, soňra bolsa sowuk suw bilen ýuwsaňyz olary has ýumşak eder.
