Londonyň «Arsenaly» UEFA Çempionlar ligasynyň finalyna çykdy. Geçen agşam Madridiň «Atletikosynyň» garşysyna geçirilen duşuşyk 1:0 hasabynda londonlylaryň ýeňşi bilen tamamlandy. Bu netije «Arsenalyň» UEFA Çempionlar ligasynyň birinji finalçysy bolandygyny aýan etdi. Çünki toparlaryň arasyndaky birinji duşuşyk 1:1 hasabynda deňlikde jemlenipdi.
Duşuşygyň ykbalyny çözen ýeke-täk goly 44-nji minutda toparyň iňlis futbolçysy Bukaýo Saka geçirdi.
«Emireýts» stadionynda guralan oýun 60 müň çemesi futbol muşdagyny bir ýere jemledi. Statistiki görkezijiler boýunça deňeçerräk ýagdaýda geçen oýun (53% — 47%) dartgynlylygy bilen dünýäniň futbol jemgyýetçiliginiň üns merkezinden ornuny tapdy.
«Arsenalyň» finaldaky garşydaşy şu gije belli bolar.
