Türkmenistanyň Prezidenti Serdar Berdimuhamedow 3-nji dekabrda geçirilen Döwlet howpsuzlyk geňeşiniň barşynda prokurorlary wezipä bellemek we wezipeden boşatmak hakynda Permana gol çekdi. Resminama laýyklykda:
ýustisiýanyň kiçi geňeşçisi Didar Suhanberdiýewiç Orazowy Balkan welaýatynyň prokurory wezipesine belläp, ony Daşoguz welaýatynyň prokurory wezipesinden boşatmaly;
ýustisiýanyň kiçi geňeşçisi Şükür Baýramdurdyýewiç Annalyýewi Daşoguz welaýatynyň prokurory wezipesine belläp, ony Mary welaýatynyň Mary etrabynyň prokurory wezipesinden boşatmaly;
2-nji derejeli ýurist Begnazar Nazarowiç Kajarowy düzediş edaralarynda kanunlaryň berjaý edilişine gözegçilik boýunça Mary prokurory wezipesine bellemeli;
ygtyýarlyk möhletiniň tamamlanmagy sebäpli, ýustisiýanyň kiçi geňeşçisi Kakajan Kanalowiç Amanmyradowy Balkan welaýatynyň prokurory wezipesinden boşatmaly;
ygtyýarlyk möhletiniň tamamlanmagy sebäpli, ýustisiýanyň kiçi geňeşçisi Hangeldi Amangeldiýewiç Annabaýewi düzediş edaralarynda kanunlaryň berjaý edilişine gözegçilik boýunça Mary prokurory wezipesinden boşatmaly.
***
Şeýle-de Türkmenistanyň Prezidenti, Türkmenistanyň Ýaragly Güýçleriniň Belent Serkerdebaşysy «Türkmenistanyň prokuraturasy hakynda» Türkmenistanyň Kanunynyň 16-njy maddasyna laýyklykda, etraplaryň prokurorlaryny wezipä bellemek we wezipeden boşatmak hakynda Karara gol çekdi:
2-nji derejeli ýurist Maksat Amannazarowiç Kurbannazarow Ahal welaýatynyň Altyn asyr etrabynyň prokurory wezipesine;
2-nji derejeli ýurist Şöhrat Annabaýewiç Tuwakow Daşoguz welaýatynyň Garaşsyzlyk etrabynyň prokurory wezipesine;
2-nji derejeli ýurist Ýusupmyrat Aşyrmyradowiç Berdimyradow Daşoguz welaýatynyň Gubadag etrabynyň prokurory wezipesine;
2-nji derejeli ýurist Şirguly Bäşimkulyýewiç Şirkulyýew Lebap welaýatynyň Döwletli etrabynyň prokurory wezipesine;
2-nji derejeli ýurist Arslan Töräýewiç Ananow Lebap welaýatynyň Farap etrabynyň prokurory wezipesine;
2-nji derejeli ýurist Merdan Şöhradowiç Nazarow Lebap welaýatynyň Garabekewül etrabynyň prokurory wezipesine;
2-nji derejeli ýurist Batyr Seýitgulyýewiç Hydyrow Mary welaýatynyň Mary etrabynyň prokurory wezipesine;
1-nji derejeli ýurist Myratgeldi Kakageldiýewiç Çaryberdiýew Mary welaýatynyň Oguzhan etrabynyň prokurory wezipesine bellenildi.
Ygtyýarlyk möhletiniň tamamlanmagy sebäpli, ýustisiýanyň kiçi geňeşçisi Myratasyl Myratgeldiýewiç Myratgeldiýew Lebap welaýatynyň prokurorynyň orunbasary wezipesinden boşadyldy.