Käbir romanlary okamak üçin birnäçe gün däl, hatda birnäçe aý hem gerek bolup biler. Sebäbi olaryň käbiri ýüzlerçe müň, käbirleri bolsa bir milliondan gowrak sözden ybarat.
1. «Artamène ou le Grand Cyrus» — «Artamen ýa-da Beýik Kir». Madlen de Skýuderi. XVII asyrda ýazylan bu fransuz romany, takmynan 1,95 million sözden ybarat. Eser 10 jiltde neşir edilipdir. Romanda söýgi, syýasy göreşler we dürli başdan geçirmeler beýan edilýär.
2. «In Search of Lost Time» — «Ýitirilen wagtyň gözleginde». Marsel Prust. Fransuz ýazyjysy Marsel Prustyň meşhur eseri, takmynan 1,27 million sözden ybarat bolup, 7 jiltde neşir edilipdir. «Guinness World Records» bu eseri nyşanlaryň umumy sany boýunça dünýäniň iň uzyn romany hökmünde görkezýär. Prust bu eseriň üstünde birnäçe ýyllap işläpdir.
3. «Mission Earth» — «Ýer missiýasy». Ron Hubbard. Bu eser 10 jiltden ybarat ylmy-fantastiki romanlar tapgyrydyr. Umumy göwrümi, takmynan 1,2 million söz. Wakalar gelmişekleriň «Ýere» hüjümi we adamzadyň olara garşy göreşi bilen baglanyşykly.
4. «Clarissa» — «Klarissa». Samuel Riçerdson. 1748-nji ýylda neşir edilen bu iňlis romany, takmynan 970 müň sözden ybarat. Eser hatlar görnüşinde ýazylypdyr we Klarissa Harlowyň durmuşyny, başdan geçirmelerini we kynçylyklaryny beýan edýär.
5. «L’Astrée» — «Astrea» ýa-da «Ýyldyz». Honore de Urfe. XVII asyrda döredilen bu fransuz romany, takmynan 900 müň sözden ybarat. Eser çopanlar Astrea bilen Çeladonyň söýgüsi barada gürrüň berýär we şol döwrüň fransuz edebiýatynyň möhüm eserleriniň biri hasaplanýar.
Bu romanlaryň käbiri bir milliondan gowrak sözden ybarat. Olary başdan-aýak okamak üçin diňe wagt däl, eýsem, diýseň uly kanagat gerek.
«Iň uzyn roman» diýen sanaw ulanylýan ölçegine görä üýtgäp biler. Söz sany, sahypa ýa-da nyşanlaryň sany boýunça dürli netijeler çykýar. Şunlukda, Ginnesiň resmi ölçeginde Marsel Prustyň «In Search of Lost Time» («Ýitirilen wagtyň gözleginde») eseri öňe çykýar.
Show more