Tomus gutarandan soň käbir adamlaryň saçynyň öňküsinden has gury, gödek we döwülmäge meýilli bolýandygyny görmek bolýar. Munuň sebäbi diňe howanyň üýtgemegi däl. Tomus aýlarynda saç uzak wagtlap gün şöhlesine, deňiz suwuna we howuzdaky hlorly suwa sezewar bolýar.
Günüň ultramelewşe şöhleleri saçyň daşky gatlagyna we düzümindäki beloklara zeper ýetirip, onuň guramagyna we döwülmegine sebäp bolup bilýär. Şeýle-de gün şöhlesi reňklenen saçlaryň reňkiniň has çalt solmagyna täsir edýär.
Deňiz suwy hem saçyň çyglylygyny azaldyp, ony gödek we döwük edip biler. Howuzdaky hlor bolsa saçyň tebigy ýaglaryny aýryp, guraklygy güýçlendirýär. Şonuň üçin tomusda köp ýüzýän adamlaryň saçynda bu täsirler has köp duýulyp biler.
Tomusdan soň saçyňy dikeltmek üçin ony aşa gyzgyn fen ýa-da ütük bilen köp bezemekden gaça durmak, nemlendiriji kondisioner ulanmak peýdaly bolup biler. Deňizden ýa-da howuzdan soň bolsa saçyňy arassa suw bilen ýuwmak maslahat berilýär.
Şeýle hem daşary çykanyňyzda saçyňyzy Günüň göni şöhlesinden goramak üçin başgap ýa-da ýaglyk ulanmak peýdaly. Şeýle ýönekeý endikler tomusdan soň saçyň has sagdyn we ýalpyldawuk görünmegine kömek edip biler.
Show more