Güýz pasly gelip, howa salkynlaşyp başlanda, köp adamlar limonly çaý we limonly ýyly suw içmegi halaýarlar. Ýöne limonyň peýdasy diňe sowuk günlerde çaýa tagam bermek bilen çäklenmeýär.
Limonda C witamini we antioksidantlar bar. C witamini immun ulgamynyň kadaly işlemegine, öýjükleriň goralmagyna we ösümliklerden alynýan demiriň bedene has gowy siňmegine kömek edýär.
Limondaky limon kislotasy hem gyzykly aýratynlyga eýe. Ol peşewiň düzümine täsir edip, käbir adamlarda böwrek daşlarynyň döremeginiň öňüni almaga kömek edip bilýär.
Güýzde limony nähili ulanmaly?
Limony diňe çaýa goşmak hökman däl. Ony ýyly suwa, salatlara, gök önümlere, balyk ýa-da towuk marinadlaryna az mukdarda goşup bolýar. Şeýlelikde nahara goşmaça tagam bermek bilen birlikde, C witaminini hem alyp bolýar.
Ýöne limonyň zyýany barada hem pikir etmeli. Ol örän turşy bolany üçin limon suwuny ýygy-ýygydan we göni içmek dişleriň emalyna zyýan ýetirip biler. Şeýle-de käbir adamlarda «sary gaýnamasyny» ýa-da aşgazan näsazlygyny güýçlendirip biler.
Şonuň üçin hem, limon suwuny köp mukdarda göni içmegiň ýerine, ony suw bilen garyşdyrmak ýa-da naharlara az mukdarda goşmak has amatlydyr. Eger limon içeniňizden soň «sary gaýnamasy» ýa-da aşgazan oňaýsyzlygy ýüze çyksa, ony çäklendirmek gerek.
Güýzde limon çaýa goşulýan ýönekeý miwe bolmak bilen çäklenmän, C witamininiň gowy çeşmeleriniň birine öwrülýär. Ýöne peýdaly bolmagy üçin ony aşa köp ulanmak hökman däl — ölçeg hemme zatda möhümdir.
Show more