Garrylykda ähli zady gözegçilikde saklamak gerek. Ýaşlykda göze ilmeýän zatlar garrylykda aýdyňlaşýar. Uky hem şeýle ýönekeý däl. Bu barada «BIT» kanaly habar berýär.

Şeýlelik bilen, garrylara isleýän wagtynda uklamazlyk maslahat berilýär. Olar berk uklama tertibine eýermeli. Şunuň bilen baglylykda, beýniniň biologik sagat ulgamynyň dogry işleýändigi aýdylýar.

Şeýle hem, bu ýerde uzak wagtlap uklamazlyk maslahat berilýär. Olar «Geriatrics and Health Care» žurnalynda çap edilen bir gözlege salgylanýarlar. Dokuz sagatdan köp uklaýanlarda miokard infarktynyň töwekgelçiliginiň 52% ýokarlanýandygy mälim boldy.

Gündizki uky gowy, ýöne uzak uky däl. Olar ýarym sagatdan köp wagt sarp etmezligi  maslahat berýärler, sebäbi gijeki uky ritimiňizi bozmak howpy bar.

Ýatmaga gideniňizde, telewizory we telefony ýatdan çykaryň. Şeýle hem ýatmazdan iki sagat öň iýmäň.

Ýene bir bellemeli zat, hemmelere birmeňzeş maslahat bolup bilmez! Hemmämiz örän tapawutly. Garrylykda-da, her kimiň saglyk ýagdaýy başgaça, fiziki we ruhy stres derejesi hem bioritmleri dürli bolýar.

Käbir adamlaryň özüni günboýy seresap we güýçli duýmak üçin gijelerine 5-6 sagat uklamasy zerur bolsa, beýlekileriň bolsa gijelerine 9-10 sagat we gündizlerine birnäçe sagat uklamasy gerek.

Bu makala diňe maglumat bermek maksady bilen hödürlenilýär we lukmançylyk maslahaty däldir. Munuň üçin hünärli lukman bilen maslahatlaşmak zerurdyr.