Milli aşhanalara göz aýlamagyň wagty geldi. Geliň, gruzin aşhanasynyň buýsanjy diýip atlandyryp boljak tagamy taýýarlalyň. Bu çorba Gruziýanyň SSSR-däki iň ýokary derejeli tagamydy.
Şonuň üçin hem, geliň, harço çorbasyny bilelikde taýýarlalyň. Ajaýyp tagamyň düzümi «Едим Дома» kanalynda paýlaşyldy.
Bize sygyr eti gerek bolar. Sygyr etiniň diňe ýumşak etini däl, eýsem, süňkli bölegini-de ulanmagy maslahat berýäris. Bu çorbany has tagamly eder. Bişirýän wagtyňyz onuň süňküni aýryp bilersiňiz.
Sygyr etini böleklere bölmekden başlaň. Suw bilen örtüň we iki sagatlap gaýnadyň. Bişirme wagty dowam edýärkä tüwini we dogralan sogany goşuň.
Şeýle hem tagamyňyza görä käbir otlary dogramaly. Munuň üçin Gruziýada koriandr we petruşka meşhurdyr. Has aýdyň tagam üçin bolsa lawr ýapragyny goşup bilersiňiz.
Bişirmezden ýigrimi minut öň, burç we ezilen sarymsak goşuň. Harço çorbasy taýýar.
Birnäçe maslahatlary goşmak isleýäris. Eti bişirýän wagtyňyz köpügini aýyrmagy ýatdan çykarmaň. Bu çorbaňyzyň arassa bolmagyny üpjün eder.
Show more