«Ferrari» we «Rolls-Royce» markalarynyň dizaýnerleriniň täze ýolsuz ýerde ýöreýän awtoulaglary Russiýada öndürilip başlanar

«ROX Motor» şu ýylyň iýun aýynda Kaliningraddaky «Avtotor» zawodynda ýolsuz ýerde hereket etmäge ukyply awtoulaglarynyň önümçiligine başlamagy meýilleşdirýär. Bu barada brendiň metbugat gullugy çarşenbe güni, 29-njy aprelde «Автоновостям дня» habarlar portalynda mälim etdi.

 «Kaliningrad «ROX Motor» üçin strategik taýdan möhüm sebitdir. Şunlukda, ýolsuz şertlerde hereket edýän awtoulaglarymyz 2026-njy ýylyň iýun aýynda «Avtotor» zawodynda ýygnalyp başlanar» diýip, «ROX Motoryň» satuw we dilerlik ulgamynyň ösüşi boýunça direktory Ýekaterina Zarubina aýtdy.

Kaliningradda hödürlenen ilkinji awtoulag bolan «F+» nusgasyndaky «ROX 01» ýolsuz ýerde hereket edýän ulagy bolar. Soňky «Adamas» modeli ýaly, ol tapgyrlaýyn gibriddir: onuň 1,5 litrlik benzinli hereketlendirijisi diňe generator hökmünde işleýär, hereketlendiriji bolsa dört tekeriň hemmesini herekete geçirýän güýçli elektrik mümkinçilikleri bilen üpjün edilýär. Olaryň umumy kuwwaty 476 at güýjüne we 740 Nm öwrüm mümkinçiligine barabardyr.

«ROX 01» we «Adamas» awtoulaglarynyň 56,01 kWt/sag çekiş batareýasy bar, bu bolsa elektrik energiýasy bilen 235 kilometre çenli ýol geçmäge mümkinçilik berýär (WLTP sikli). Mundan başga-da, «hemişe awtoulagda energiýa beriş stansiýasy» düzgüni arkaly 70 litrlik ýangyç bakyny öz içine alýan umumy ýol ätiýaçlygy rekord derejä — 1115 kilometre ýetýär.

Öndürijiniň metbugat gullugynyň maglumatyna görä, «ROX» ýolsuz ýolsuz ýerde hereket edýän awtoulaglaryndaky benzin bilen işleýän motor-generator -43 gradus temperaturada hem ygtybarly işe başlaýar. Köp derejeli termal dolandyryş ulgamy güýç batareýasynda optimal temperaturany saklaýar (ony sowadyp hem, gyzdyryp hem bolýar). Mundan başga-da, ýokary woltly modullaryň optimal temperaturasyny saklap, batareýa gabarasyna giň sowadyjy suwuklyk ulgamy goşulandyr. «ROX 01» we «Adamas» ýolsuz ýerde ýöreýän awtoulaglarynyň daşky keşbi meşhur «Pininfarina» dizaýn studiýasynyň bezän tapawutly dörtburç şekillerine we arassa italýan çyzyklaryna eýedir. Olar dünýäniň iň owadan awtoulaglarynyň köpüsiniň, şol sanda meşhur «Ferrari», «Maserati» we «Rolls-Royce» modelleriniň döredilmegine goşant goşdular.