Banan gabyklaryny näme etmeli? Bu geň sowal olary ýygnamak bilen däl-de, taşlamak bilen bagly. Emma olary zibile taşlamak ýalňyşlyk bolar.
Banan, alma we armyt gabyklary plastik halta goýlanda kisloroda elýeterliligini ýitirýär. Şeýle şertlerde tebigy parçalanma prosesleri bozulýar we organiki maddalar metan öndürip başlaýar.
Zibilhanada zibilleriň aşagynda galan bu gaz atmosfera çykýar we onuň parnik täsiri uglerod dioksidinden onlarça esse güýçli. Bu gaz global ýylylygyň sebäpleriniň biridir.
Bilermenler banan gabyklaryny beýleki galyndylary we miwe-gök gabyklary bilen bilelikde kompostlamagy (çüýredip, dökün etmek) maslahat berýärler. Howa we çyglylyk elýeterli bolan tebigy gurşaw bu galyndylary çalt parçalaýar we kompost minerallara has-da baýlaşýar. Şeýle-de bolsa, kompostlaýan wagtyňyz, kislotalylygy ýokary miwelerden we gök önümlerden gaça duruň, sebäbi aşa köp mukdarda kompostyň deňagramlylygyny bozup, peýdaly mikroorganizmler we ösümlik kökleri üçin aşa agressiw täsiri döretmegi mümkin.
Show more